Gitler o‘z joniga qasd qilmagan bo‘lishi mumkin - MRB
Markaziy razvedka boshqarmasi maxfiy hujjatlarni e’lon qildi, ularda “fyurer”ning Janubiy Amerikaga qochgan bo‘lishi mumkinligi haqida so‘z boradi
Gitlerning vafoti 1945-yilda tasdiqlanganiga qaramay, amerikalik agentlar keyingi o‘n yillik davomida uni Janubiy Amerikadan qidirgan. MRB hujjatlariga ko‘ra, 1955-yili CIMELODY-3 kodli agent Kolumbiyadagi plyajda olingan suratni ko‘rsatib, Gitler go‘yoki “Adolf Shrittelmayor” nomi bilan yashab kelayotganini ma'lum qilgan.
Ungacha, 1945-yili AQSH razvedkasi xodimlari Gitler uchun Argentinaning La-Falde shahridagi mehmonxonada maxsus boshpana tayyorlangani haqida xabar bergan edi. Biroq oradan o‘n yil o‘tib, MRB fyurerni qidirish bo‘yicha operatsiyani to‘xtatdi. Sababi amerikaliklar ushbu nazariyani isbotlash uchun imkoniyatlarni juda past deb baholagandi.
