Бишкек шаарында 2025-жылдын 21-апрелинен 31-майына чейин жылуулук жабдууларын оңдоо жана алдын алуу иштерин жүргүзүү үчүн ысык суу берүү токтотулат.
🌡️ Бишкек шаарында 2025-жылдын 21-апрелинен 31-майына чейин ысык суу берүү токтотулат.
🔧 Бул чаралар жыл сайын жүргүзүлүүчү профилактикалык иштер жана жылытуу жабдууларын, казандарды, жылуулук тармактарын, жылуулук керектөө системаларын кышкы мезгилге сапаттуу даярдоо максатында ишке ашырылат.
🏢 Бишкек шаарынын мэри Айбек Жунушалиевдин буйругуна ылайык, «Бишкек жылуулук борбору», «Бишкектеплосеть», «Бишкектеплоэнерго» муниципалдык ишканаларына жылуулук жабдууларын токтотуу тапшырылды.
📅 Бишкек шаарынын муниципалдык администрациялары жана Билим берүү департаменти тиешелүү уюмдарда жылуулук тармактарын оңдоо иштерин белгиленген мөөнөттө жүргүзүүнү камсыз кылышы керек.
🙏 Бишкек шаарынын мэриясы шаар тургундарын жана конокторун түшүнүү менен мамиле кылууга чакырат.