Санкт-Петербург шаарында Эдиль Байсалов Пискарев мемориалдык көрүстөнүндө "Родина - мать" монументине гүлчамбар койду. Ал Ленинградды коргогон кыргызстандыктарды эскерип, алардын эрдиги СССРдин тарыхында түбөлүккө сакталарын баса белгиледи.
🇰🇬 Санкт-Петербург шаарында өткөн иш сапары учурунда Кыргыз Республикасынын Министрлер кабинетинин төрагасынын орун басары Эдиль Байсалов Пискаревск мемориалдык көрүстөнүндө жайгашкан «Родина – мать» монументине гүлчамбарларды коюу аземине катышты.
🌹 Кыргызстандын өкмөттүк делегациясы министрлер кабинетинин атынан гүлчамбар коюп, Улуу Ата Мекендик согуштун, анын ичинде Ленинград блокадасында каза болгондордун элесин бир мүнөттүк үн катпай эскеришти.
🕊️ Эдиль Байсалов ошондой эле Ленинградды коргоодо курман болгон Кыргызстандын жоокерлеринин урматына коюлган эстелик тактага таазим кылды. Ал кыргызстандыктардын эрдиги жалпы Жеңиштин жана СССР элдеринин биримдигинин тарыхына түбөлүккө жазылганын баса белгиледи.
📖 Пискаревск мемориалынын Эскерүү китебинде Эдиль Байсалов Ленинград блокадасынын тургундарынын эрдигин жана кайраттуулугун эскерип, алардын баатырдыгы Улуу Ата Мекендик согуштун эң жаркын жана кайгылуу барактарынын бири экенин белгиледи. Жеңиштин 80 жылдыгын белгилеп жатып, биздин жоокерлердин кайраттуулугун жана өзүн курмандыкка чалгандыгын унутпайбыз, алардын элеси биздин жүрөгүбүздө түбөлүк жашайт.