Кыргызстандын кинематографисттер союзунун башчысы Таалайбек Кулмендеев жана белгилүү режиссер Эмир Кустурица Москвадагы эл аралык форумда евразия элдеринин маданияты жана салттуу баалуулуктарын талкуулашты.
🎬 Москвада өткөн «Евразия — салттуу баалуулуктар аймагы» эл аралык коомдук-ишкер форумунда Кыргызстандын Кинематографисттер союзунун башчысы Таалайбек Кулмендеев белгилүү режиссёр Эмир Кустурица менен салттуу баалуулуктар маселесин талкуулашты.
🎥 Форумдун алкагында өткөн «Евразиянын маданий коду — элдердин салттуу баалуулуктарынын жол көрсөткүчү» аттуу тематикалык сессияда Кулмендеев кыргыз кинематографиясынын уникалдуулугун, анын терең маданий негизин жана искусство аркылуу салттуу баалуулуктарды сактоодогу маанисин баса белгиледи.
🌍 Сессияга серб режиссёру Эмир Кустурица, Абхазия Республикасынын маданият министри Динара Смыр, орус актёру жана режиссёру Евгений Герасимов, ошондой эле Беларусиянын Кинематографисттер союзунун төрагасы Евгений Арендарович катышты.
🤝 Форумду «Евразия» автономдуу коммерциялык эмес уюму уюштурду жана ал Евразия элдеринин салттуу баалуулуктарын сактоодогу маданияттын ролун талкуулоо үчүн 600дөн ашуун эксперттерди чогултту.