2024 йылда Башҡортостан Республикаһынан тышҡы баҙарҙарға 349 миллион долларлыҡ 666 мең тоннанан ашыу агросәнәғәт комплексы продукцияһы экспортланған. Был уҙған йыл кимәленән ете процентҡа юғарыраҡ, был Волга буйы федераль округында өсөнсө урын. Был хаҡта төбәк ауыл хужалығы министрлығынан хәбәр иттеләр. Ауыл хужалығы продукцияһын тәьмин итеүҙе арттырыу “Халыҡ-ара кооперация һәм экспорт” милли проектының (национальный проект “Международная кооперация и экспорт”) маҡсаттарының береһе булып тора. – 2030 йылға агросәнәғәт комплексы тауарын экспортлауҙы 651 миллион долларға тиклем арттырырға планлаштырабыҙ, йәғни ике тапҡырға, – тип билдәләне Башҡортостан Хөкүмәте Премьер-министры урынбаҫары – ауыл хужалығы министры Илшат Фәзрахманов. Башҡортостан агросәнәғәт комплексы тауарын донъяның 41 иленә экспортлай. Бөгөн традицион уҙаҡташтар менән эш алып барыла, шулай уҡ экспорт өсөн яңы баҙарҙар үҙләштерелә. Республикала төп экспортлаусылар булып “Элеватор”, “Шишмә май экстракцияһы заводы”, “РЕСА”