Бүздәк районы дауаханаһына, “Оҙайлы һәм әүҙем тормош” милли проектына ярашлы, яңы ҡорамал алынды. Ул тәүлек әйләнәһенә электрокардиограмманы теркәйәсәк, артериаль ҡан баҫымын үлсәйәсәк, тын алыу функцияларын һәм ҡандағы кислород кимәлен билдәләйәсәк. Бындай тикшереү табипҡа йөрәк эшмәкәрлеге хаҡында ғәҙәттәге ЭКГ менән сағыштырғанда күберәк мәғлүмәт бирәсәк. Комплекс ярҙамында йөрәк ритмы боҙолоуын, ҡан әйләнешендәге үҙгәрештәрҙе асыҡларға мөмкин. –Холтер-мониторинглау пациент артынан көндөҙ генә түгел, төнгө мәлдә лә оҙайлы ваҡыт күҙәтергә мөмкинлек бирә. Ул дөрөҫ диагноз ҡуйырға, терапияның һөҙөмтәлеген билдәләргә ярҙам итә, – ти дауахананың дөйөм практика табибы Айгөл Фәйзрахманова. “Оҙайлы һәм әүҙем тормош” милли проекты ( нацпроект “Продолжительная и активная жизнь”) “Һаулыҡ һаҡлау” милли проектын һәм элекке ҙур ҡоласлы “Демография” проектының ҡайһы бер йүнәлештәрен артабан үҫтерәсәк. Тәү сиратта ярҙам сараларын ғүмер оҙайлығы илдәге уртаса күрһәткестән артта ҡалған төбәктәр һәм