Мара Байджиевдин белгилүү "Дуэль" пьесасы боюнча "Эрөөл" спектаклинин премьерасы 10-11-апрелде "Учур" мамлекеттик жаштар театрында көрсөтүлөт. Спектаклди Анастасия Касьянова жана Назым Мендебаиров койгон.
🎭 Бишкекте жайгашкан “Учур” мамлекеттик жаштар театры 10-11-апрелде Мара Байджиевдин белгилүү “Дуэль” пьесасынын негизинде “Эрөөл” спектаклинин бет ачарын өткөрөт.
🎨 Спектаклдин коюшун жаш режиссёр Анастасия Касьянова жана анын устаты Назым Мендебаиров ишке ашырышты. Сценографияны Алена Тихонова даярдаса, музыкалык бөлүгүн Нарист Эсенов жараткан, ал эми хореография Евгений Прокопенко тарабынан даярдалган.
🎭 Спектаклде Айдина Бектурова, Мырзайым Турдубекова, Алмаз Сейитканов жана башка таланттуу артисттер роль ойношот.
🌍 “Дуэль” пьесасы бир нече тилдерге которулуп, СССР, Грузия, Балтия өлкөлөрүндө жана Европанын көптөгөн өлкөлөрүндө сахналаштырылган.
🎼 Бул чыгарманын негизинде эки опера жаралып, 1979-жылы “Узбекфильм” студиясы тарабынан “Ливень” аттуу фильм тартылган.
🎭 Спектаклдин премьерасы Кыргыз мамлекеттик куурчак театрынын сахнасында өтөт.