Бишкек шаарында өткөн семинарда мамлекеттик жана жергиликтүү өз алдынча башкаруу органдарына тышкы саясат, эл аралык келишимдер жана мамлекеттик протокол боюнча мыйзамдарды аткаруу боюнча түшүндүрмөлөр берилди.
🇰🇬 Бишкекте Кыргыз Республикасынын Тышкы иштер министрлиги тарабынан мамлекеттик органдардын жана жергиликтүү өз алдынча башкаруу органдарынын өкүлдөрү үчүн семинар уюштурулду.
🎓 Семинар Кыргыз Республикасынын “КРнын тышкы саясат чөйрөсүндөгү мамлекеттик органдардын өз ара аракеттенүүсү жөнүндө”, “КРнын эл аралык келишимдери жөнүндө”, “КРнын мамлекеттик протоколу жөнүндө” мыйзамдарынын аткарылышын жогорулатуу максатында өткөрүлдү.
📚 Иш-чарада ТИМдин жооптуу кызматкерлери бул мыйзамдардын нормаларын сактоонун зарылдыгы жана маанилүүлүгү жөнүндө кеңири түшүндүрмө беришти.
🤝 Катышуучулар мамлекеттик органдардын жана жергиликтүү өз алдынча башкаруу органдарынын эл аралык ишмердүүлүктү ишке ашыруу, эл аралык келишимдерди түзүү, күчүнө киргизүү, аткаруу, токтото туруу жана денонсациялоо, ошондой эле эл аралык маанидеги иш-чараларды даярдоо жана өткөрүү боюнча белгиленген тартип менен таанышты.
💻 Президенттин Иш башкармалыгындагы “Кызмат” мамлекеттик мекемеси менен биргеликте ТИМдин кызматкерлери мамлекеттик органдардын эл аралык ишмердүүлүктү ишке ашырууда ТИМ менен өз ара аракеттенүүсүн оптималдаштырууга багытталган “Дипломатиялык кызмат” Автоматташтырылган маалымат системасында иштөө боюнча нускама беришти.
🗣️ Семинардын жыйынтыгында продуктивдүү пикир алмашуу жана суроо-жооп сессиясы болуп өттү.
👥 Семинарга 70тен ашуун мамлекеттик органдардын жана жергиликтүү өз алдынча башкаруу органдарынын кызматкерлери катышты.