Бишкек, 08.04.25. /Кабар/. Союзбек Надырбеков Кыргыз мамлекеттик көркөм сүрөт окуу жайына жаңы директор Джаныл Тольбашиеваны тааныштырды. Окуу процессин модернизациялоо жана материалдык-техникалык базаны чыңдоо маселелерине көңүл бурулду.
🎨 Кыргыз Республикасынын маданият, маалымат жана жаштар саясаты министринин биринчи орун басары Союзбек Надырбеков Кыргыз мамлекеттик көркөм сүрөт окуу жайына барып, жаңы директор Джаныл Тольбашиева менен тааныштырды.
📚 Союзбек Надырбеков окуу жайдын учурдагы абалы менен таанышып, окутуучулар жана кызматкерлер менен баарлашты. Окуу процессин модернизациялоо жана материалдык-техникалык базаны чыңдоо маселелери өзгөчө көңүлгө алынды.
👩🎨 Джаныл Усеновнаны жаңы кызматка куттуктап жатып, Союзбек Надырбеков анын жетекчилиги астында өлкөнүн эң байыркы жана кадыр-барктуу окуу жайларынын бири өнүгүүнү улантып, салттарды сактап, жаңы чыгармачыл горизонтторду ачарына ишенимин билдирди.
🎉 Жолугушуунун соңунда министрдин биринчи орун басары окуу жайдын жамаатына кесиптик ишмердүүлүктө ийгиликтерди, шыктанууну жана кыргыз маданияты менен искусствосунун гүлдөп-өнүгүшүнө жаңы жетишкендиктерди каалады.