Чүй облусундагы чек арачылар кыргыз-казак чек арасын мыйзамсыз кесип өтүү аракетин токтотушту. Чек араны мыйзамсыз кесип өткөн өзбекстандык аял кармалып, тиешелүү органдарга өткөрүлүп берилди.
🔍 Чүй облусундагы Кыргызстандын Улуттук коопсуздук мамлекеттик комитетинин Чек ара кызматынын кызматкерлери кыргыз-казак мамлекеттик чек арасын мыйзамсыз кесип өтүү аракетин токтотушту.
🚗 Чек ара аймагын патрулдоо учурунда чек арачылар Казакстан Республикасынын аймагында, мамлекеттик чек ара сызыгына жакын жерде турган Mercedes-Benz үлгүсүндөгү унааны байкашкан.
🚶♀️ Чек ара тилкесине жеткенде, чек арачылар Чу дарыясын жөө кечип, Казакстандан Кыргызстанга өткөн аялды кармашты. Кармалган аялдын жанында инсандыгын тастыктаган документтери болгон эмес.
🗣 Кармалган аял өзүнүн 1985-жылы туулган Өзбекстандын жараны У.М.Р. экенин айтты.
📄 Тиешелүү документтер толтурулгандан кийин, кармалган аял мындан аркы териштирүү иштерин жүргүзүү жана окуянын бардык жагдайларын аныктоо үчүн компетенттүү органдардын кызматкерлерине өткөрүлүп берилди.