Ош шаарынын мэри Женишбек Токторбаев Курманжан-Датка көчөсүн жеңилдетүү үчүн С.Касымова көчөсүнүн абалын текшерип, жолдорду реконструкциялоону жана мыйзамсыз объекттерди алып салууну тапшырды. Граждандардын кайрылуусуна ылайык, Т.Абдуллаев көчөсүндө күндүз жүк ташуучу унааларга тыюу салынды.
🚧 Ош шаарынын мэри Женишбек Токторбаев бүгүн эртең менен тиешелүү кызматтардын жетекчилери менен биргеликте Курманжан-Датка көчөсүн бошотуу пландарынын алкагында шаардык автовокзалга карай альтернативдүү жол болгон С.Касымова көчөсүнүн жолдорунун абалын текшерди.
🛠️ Жолдорду реконструкциялоо иштери учурдагы нормаларга ылайык жүргүзүлүшү керектиги боюнча тиешелүү кызматтарга тапшырмалар берилди.
🚫 Кызыл сызыктагы мыйзамсыз объекттерди демонтаждоо милдети коюлду.
🚛 Жарандардын кайрылууларына ылайык, З.Бабур атындагы мектептин жанындагы Т.Абдуллаев көчөсүндө күндүзгү убакта жүк ташуучу автоунаалардын жүрүүсүнө тыюу салуу боюнча чаралар көрүлдү.