Бөгөн Хөкүмәт кәңәшмәһендә Архангел районы хакимиәте башлығы Айрат Сәйетғәлин ташҡындан зыян күргән Аҙау ауылы кешеләре ниндәй түләмдәр алыуы тураһында һөйләне. "Уҙған аҙнала түләүҙәрҙе алдыҡ, йүнәлтә башланыҡ.Үлгән хайуандар буйынса түләүҙәр тулыһынса башҡарылды – уны 29 кеше алды. Беренсе сираттағы ихтыяждарға бирелгән 5 мең һум буйынса ғаризалар ҡарала, әле 745 мең һумға түләүҙәр башҡарылған.7 апрелдә иртән туғыҙ йорт хужалығына юғалған мөлкәт буйынса түләүҙәр ебәрҙек. Был эште 10 апрелгә тиклем тамамларға ниәтләйбеҙ", – тине Айрат Сәйетғәлин. Башҡортостан Башлығы РадийХәбиров был эш ҡасан тамамланасағы хаҡында хәбәр итергә ҡушты. “Иң мөһиме, беҙ һеҙгә аҡса ебәрҙек, улар бар. Күберәк кәрәк икән, бүлербеҙ. Иң мөһиме, зыян күргән кешеләрҙең мөлкәте ғәҙел тәртиптә тергеҙелергә тейеш", – тине Радий Хәбиров. Торлаҡ-коммуналь хужалыҡ һәм транспорт министрлыҡтары ла ауылды тәртипкә килтереү буйынса эштәр алып бара. "28 марттан Аҙау ауылында ғәҙәттән тыш хәл эҙемтәләрен бөтөрөү буйынса эштә