Баткен жана Ош шаарларындагы май куюучу жайларда жана мунай базасында 950 жана 35 547 литр дизель отуну белгиленбей сатылганы аныкталды. Бул мыйзам бузуу боюнча материалдар көзөмөл органдарына өткөрүлүп берилди.
🛢️ Мамлекеттик салык кызматынын кызматкерлери Баткен облусундагы бир автозаправкада жана Ош шаарындагы мунай базасында бензин жана дизель күйүүчү майын милдеттүү түрдө маркалоо талаптарын бузуу фактыларын аныкташты.
🔍 Баткен облусундагы автозаправкада 950 литр, ал эми Ош шаарындагы мунай базасында 35 547 литр дизель күйүүчү майы маркаланбай турганы аныкталды.
📜 2025-жылдын 12-февралындагы № 37 Мыйзамга ылайык, милдеттүү түрдө маркаланууга тийиш болгон продукцияны өндүрүү, сактоо, импорттоо жана сатуу үчүн жоопкерчилик киргизилген.
🛡️ 2024-жылдын 1-октябрынан тартып Кыргызстанда бензин жана дизель күйүүчү майын молекулярдык маркерлерди колдонуу менен милдеттүү түрдө маркалоо киргизилген.
🚓 Салык кызматы өлкө аймагында эсепке алынбаган товар жүгүртүүнү аныктоо жана алдын алуу боюнча иштерди улантууда.