Тормош һынауҙарына бирешмәй, алға бара Ҡышҡы спорт төрҙәре буйынса “Ватанды һаҡлаусылар кубогы” чемпиондарының береһе – махсус хәрби операция ветераны һәм Башҡортостан Республикаһында фондтың социаль координаторы Олег Мөфтәхетдинов үҙен көслө рухлы яугир булыуын һәр яҡшы өлгөһө менән күрһәтеп тора. Ул саңғы ярыштарында һәм биатлонда алтын яулай. Утыҙ йәшендә күп нәмәгә өлгәшкән был ғәжәйеп йәш кеше менән һеҙҙе яҡындан таныштырабыҙ. Батыр егет 2022 йылда үҙ теләге менән Ватанды яҡларға китә. Бахмут янында хәрби бурыс үтәгәндә йәрәхәтләнә. Хәрби хеҙмәткә яраҡһыҙ булғас, уны тыуған еренә ҡайтаралар. Олег тыныс тормошта юғалып ҡалмай – спорт менән шөғөлләнә. Махсус операцияға тиклем ул саңғы ярыштары һәм биатлон буйынса Башҡортостан йыйылма командаларына ингән була. – Был минең өсөн яңы спорт төрө түгел, мин күп йылдар саңғыла торҙом. Махсус хәрби операциянан ҡайтҡас, башта яратҡан эшем менән шөғөлләнә алмаясаҡмын тип уйланым, әммә бына тағы ла трассаға сығып, призлы урындар өсөн көрәшәм,