Киберспорт: жиззахлик геймерлар чемпион
Киберспорт аренасида валорант бўйича республика миқёсидаги “Jizzax Cup” турнири бўлиб ўтди. Унда юртимиз бўйлаб 16 та жамоа таркибидаги 90 нафар спортчи ғолиблик учун баҳс олиб боришди.
Мусобақанинг ҳал қилувчи босқичига Жиззах вилояти шарафини ҳимоя қилган “SGG” (Semurg Gaming) ҳамда Тошкент шаҳридан “Teiko”, “Vybe”, “Oni” ва “SS” жамоалари етиб келишди.
Якунда вилоятимизнинг SGG жамоаси барча рақибларини мағлуб этган ҳолда мусобақа ғолибига айланди ҳамда 35 миллион сўм мукофот жамғармасига эга чиқди. Иккинчи ва учинчи ўринлар “SS” ҳамда “Teiko” жамоаларига насиб қилди. Уларга мос равишда 10 миллион ҳамда 5 миллион сўм миқдоридаги мукофот пуллари топширилди.
Маълумот учун, вилоятимизнинг SGG (Semurg Gaming) жамоаси ўтган йили валорант бўйича Тошкенда ўтказилган “GameFest2024” киберспорт турнирида ҳам ғолибликни қўлга киритган эди.
Каналимизга обуна бўлинг ва энг сўнгги янгиликларни кузатиб боринг
Jizzaxnews |Тelegram | Facebook | Dzen | YouTubе
