Бөгөн 23 йәшендә генә махсус хәрби операцияла батырҙарса һәләк булған Сибай концерт-театр берекмәһенең "Сибай" халыҡ бейеү ансамбле солисы, талантлы һәм дәртле бейеүсе Илнар Хәтмуллиндың тыуған көнө. Уға 25 йәш тулған булыр ине... Ике мөсәл йыл да йәшәп өлгөрмәгән һыу һөлөгөндәй егеттең ғүмере бик йәшләй генә өҙөлдө. Бөгөн уның әсәһе, Башҡортостандың атҡаҙанған артисы Лариса Хәтмуллина үҙенең социаль селтәрҙәге сәхифәһендә: "Бөгөн минең улыма 25 йәш тулған булыр ине, әммә ул һәр саҡ 23-тә ҡаласаҡ. Мин һине һәр ваҡыттағыса элекке кеүек ҡосаҡлай һәм ҡотлай алмайым, әммә мин һине бар йөрәгем менән ҡосам. Бөгөнгә тиклем һинең юҡлығыңа ышанмайым. Улым, һинең бер ваҡытта ла шылтыратмауыңа, яныма килмәүеңде ҡабул итеүе бигерәк тә аяныслы. Мин һинең менән ғорурланам, ҡыҫҡа ғына ғүмереңде лайыҡлы үтә алдың. Яратам, һағынам, юҡһынам", тигән яҙыу ҡалдырған. Ысынлап та, йөҙөнән һәр саҡ йылмайыу китмәгән, ойоҫҡота баҫып, иҙәндәрҙе дер һелкетеп бейегән йәш һәм дәртле бейеүсенең башҡаса Сибай сәхнәлә