ФОТОВИДЕОФАКТ
Сандал сааспытын кытта кэтэх дьиэлээх дьон тиэргэн хаарын ыраастыыр, сарайдар хаардарын түһэрэр кэмнэрэ тиийэн кэлэр.
Бүгүн Покровскайдааҕы 2-с №-дээх орто оскуола 10"а" кылааһын уолаттара Аркадий Латышев, Максим Иванов, Даниил Павлов, Гоша Дягилев (кылаас салайааччыта Аграфена Жиркова), 10"б" кылаастан Рашад Аскеров, Кирим Пахомов, Игорь Кугаев, Христофор Максимов (кылаас салайааччыта Александра Владимирова), "Эргис" аҕалар түмсүүлэрин көхтөөх дьоно Александр Рожины, Андрей Дьяконовы, Иннокентий Максимовы, Петр Дмитриеви кытта, Хаҥалас улууһун көрбөттөр уопсастыбаларын бэрэссэдээтэлэ Ольга Владимирова көрдөһүүтүн быһа гыммакка, кэлэн тиэргэннэрин хаарын ыраастаан тастылар, сарай хаарын түһэрдилэр.
Оскуола оҕолоро дириэктэри иитэр үлэҕэ солбуйааччы Изольда Максимова быһаччы салайыытынан, аҕалар үтүө холобурдарынан таһаарыылаахтык үлэлээтилэр.
Уйбаан УЙГУУРАП.
