Японияда Кыргызстандын эмгек министри Равшанбек Сабиров менен Transaction Media Networks Inc. компаниясынын башкы директору Алекс Атсуши Отака жолугушуп, миграция жана IT чечимдер жаатындагы кызматташууну талкуулашты. Кыргызстандын жаштарын IT тармагында окутуу жана жапон компаниялары менен биргелешип пилоттук долбоорлорду ишке ашыруу мүмкүнчүлүктөрү каралды. Япон тарап кыргызстандык адистерди IT секторунда ишке алууга даяр экенин билдирди.
🇰🇬 Кыргыз Республикасынын эмгек, социалдык камсыздоо жана миграция министри Равшанбек Сабиров Японияга расмий сапарынын алкагында Transaction Media Networks Inc. компаниясынын башкы директору Алекс Атсуши Отака менен жолугушту.
💼 Жолугушууда миграция, жумушка орношуу процесстерин санариптештирүү жана эмгек мобилдүүлүгүн башкарууга IT-чечимдерди киргизүү боюнча кызматташуунун келечеги талкууланды.
🌐 Япон компаниясынын булут технологиялары, электрондук төлөм системалары жана интеграциялык платформалары Кыргыз Республикасында жарандардын чет өлкөдө иштөөсүн көзөмөлдөө, административдик процедураларды жөнөкөйлөтүү жана процесстердин ачыктыгын жогорулатуу үчүн натыйжалуу колдонулушу мүмкүн экени белгиленди.
👨💻 Жаш адистерди кесиптик даярдоо мүмкүнчүлүктөрүнө өзгөчө көңүл бурулду. Кыргыз тарап IT тармагында кыргыз жаштарын окутуу программаларын баштоого жана япон компаниялары менен биргеликте пилоттук санариптик долбоорлорду ишке ашырууга кызыкдар экенин билдирди.
🤝 Япон тарап Toyota жана Mitsubishi сыяктуу ири корпорациялар менен кызматташуунун ийгиликтүү тажрыйбасын көрсөтүп, кыргыз адистерин IT секторунда ишке алууга жана тажрыйба алмашуу максатында Кыргызстанга эксперттерди жөнөтүүгө даяр экенин билдирди.
🔗 Жолугушуунун соңунда тараптар санариптик инновациялар чөйрөсүндө мамлекеттер аралык жана тармактар аралык байланыштарды чыңдоого өз ара кызыкдар экенин ырастап, санариптештирүүнү илгерилетүүдө жеке сектор менен мамлекеттик институттардын өнөктөштүгүнүн маанилүүлүгүн белгилешти.