Башҡортостанда хәтер һәм хөрмәт көнө 3 майҙа үтә. Тейешле указға республика Башлығы Радий Хәбиров ҡул ҡуйҙы. Был көндә халыҡ зыяраттарҙы тәртипкә килтерә, өмәләр уҙғарыла. Шулай уҡ Бөйөк Ватан һуғышында ҡатнашыусылар ерләнгән урындар һәм һәйкәлдәр тәртипкә килтерелә. Православ Христиандарҙа ата-әсәләр көнө 29 апрелгә тура килә. Был көндәрҙә Өфөләге өс зыяратҡа махсус автобустар бүленә.