⚡️TOSHPTI "AYLANAY" JAMOASI RESPUBLIKA KO‘RIK TANLOVIDA ISHTIROK ETDI
Namangan viloyatida yuksak saviyada tashkil etilgan “Yurtim qadriyatlari” Respublika ko‘rik-tanlovining uchinchi yarim final bosqichi katta shukuh bilan bo‘lib o‘tdi. Vatanimizning boy ma’naviy merosini targ‘ib etish, yoshlarning iste’dodini namoyon etish maqsadida o‘tkazilgan ushbu nufuzli tanlovda turli hududlardan tashrif buyurgan jamoalar o‘z mahorat va bilimlarini namoyish etdilar.
Mazkur bosqichda Toshkent pediatriya tibbiyot institutining “Aylanay” jamoasi alohida faollik, ijtimoiy dolzarblik va ijodiy yondashuv bilan ishtirok etdi. Jamoa a’zolarining har bir chiqishi tomoshabinlar va hakamlar hay’atida chuqur taassurot qoldirib, ularni faxrli uchinchi o‘ringa sazovor etdi.
Bu yutuq – yoshlarimizning fidoyiligi, ezgu qadriyatlarimizga bo‘lgan sadoqati va Vatanga mehr-muhabbatining yorqin ifodasidir.
