Кыргыз Республикасынын маданият, маалымат жана жаштар саясаты министри Мирбек Мамбеталиев Талас облусуна иш сапары менен барып, маданий объекттердин абалы менен таанышып, жергиликтүү бийлик жана маданият өкүлдөрү менен жолугушту.
🎨 Кыргыз Республикасынын маданият, маалымат жана жаштар саясаты министри Мирбек Мамбеталиев Талас облусуна иш сапары менен барды.
🏛️ Министр Талас районундагы “Талас согушу” атындагы тарыхый-музей комплексине барып, бул аймакта тарыхый-маданий корук түзүү пландары менен таанышты.
📚 Чыңгыз Айтматовдун кичи мекени болгон Шекер айылында “Чыңгыз Ордо” мемориалдык комплексинин долбоору менен таанышуу болду. Бул комплекс улуу жазуучунун эстелиги жана маданий мурастын борбору катары курулат.
🏺 Бакай-Ата районундагы Ак-Добо айылында Т. Герцендин музейин көрүп, анын учурдагы абалы менен таанышты. Райондун жана шаардын маданият бөлүмдөрүнүн кызматкерлери менен жолугушуу өтүп, маданият тармагын өнүктүрүү маселелери талкууланды.
🌟 Сапар Кыргыз улуттук “Манас Ордо” комплексинин инфраструктурасын өнүктүрүү концепциясы жана аны маданий-туристтик борбор катары пайдалануу келечеги менен таанышуу менен аяктады.