Кыргыз Республикасынын Транспорт жана коммуникациялар министрлиги эл аралык автожолдорду жакшыртуу долбоорунун алкагында Takenaka Civil Engineering компаниясы менен Бишкек–Ош жолунда 750 метрлик туннел куруу боюнча келишимге кол койду.
🚧 Кыргызстанда эл аралык автомобиль жолдорун жакшыртуу долбоорунун алкагында Япониянын компаниясы менен келишим түзүлдү.
🤝 Бишкекте өткөн келишимге кол коюу аземине Кыргызстандын транспорт жана коммуникациялар министри Абсаттар Сыргабаев, анын орун басары Бекназар Базаралиев, Япониянын Кыргызстандагы элчиси Года Хидэки жана Япониянын эл аралык кызматташтык агенттигинин (JICA) туруктуу өкүлү Кавамото Хироюки катышты.
🏗️ Долбоордун алкагында Бишкек–Ош автожолунун 400-чакырымында 750 метрлик туннелдин курулушу үчүн Takenaka Civil Engineering компаниясы менен келишим түзүлдү.
🙏 Министр Сыргабаев Япония өкмөтүнө жана JICA агенттигине Кыргызстандын транспорттук инфраструктурасын өнүктүрүүгө кошкон салымы үчүн ыраазычылык билдирди.
🛠️ Тараптар долбоорду сапаттуу жана өз убагында ишке ашырууга даяр экенин ырасташты.
📅 Курулуш иштери 2025-жылдын июнь айында башталары пландалууда.