Кинотаҫма Өфөнөң билдәле урындарында: “Өфө муйынсағы”нда, парктарҙа, Арт-квадратта, Черниковка урамдарында һәм башҡа ерҙә төшөрөлгән. Таҫманы төшөрөүсе командала яҡташ режиссерҙарыбыҙ эшләне: Айнур Асҡаров, Виталий Дудка, Айрат Абушахманов, Айсыуаҡ Йомағолов, Руслан Юлтаев, Айҙар Аҡманов һәм Руслан Римович. Ролдәрҙе Рәсәй киноларында төшкән актерҙар Владимир Гарцунов, Валентина Ляпина, Янис Политов, Илья Виногорский, Александр Рожковский һәм Николай Ғәлләмов, шулай уҡ башҡорт актерҙары Азат Йыһаншин, Алмас Әмиров, Рушанна Бабич һәм башҡалар уйнай. Проектты Башҡортостан Башлығы Гранттары фонды булышлығында “Медиастарт” креатив индустриялар үҙәге һәм “Асҡарфильм” кинокомпанияһы тормошҡа ашырған. Фильмдың премьераһы 20 апрелдә, Мәскәү халыҡ-ара кино фестивале ваҡытында көтөлә. Фильм – 16 йәштән өлкәндәр өсөн. Сығанаҡ: mgazeta.com