Иң күңелле һәм барыбызның да яраткан Яңа ел һәрвакыт балалар һәм хәтта өлкәннәр өчен дә кечкенә әкият булып кала бирә.
«Кышкы әкият» рәсем ясау конкурсы катнашкан балаларга иҗат аша үзләренең яңа ел кәефләрен һәм дөньяны күзаллауларын күрсәтергә мөмкинлек бирә.
Рәсем ясау - балаларның иң яраткан шөгыльләрнең берсе. Рәсем ясау процессында баланың күзәтүчәнлеге һәм эстетик кабул итүе, сәнгати зәвыгы һәм иҗади сәләте камилләштерелә, әйләнә-тирә дөньяны танып белергә ярдәм итә, предметларның формаларын игътибар белән күзәтергә һәм анализларга өйрәтә. Ул исәпләү төгәллегенә, табигатьнең матурлыгын белергә, фикер йөртергә һәм тоярга өйрәтә, тирә-юньдәгеләргә карата яхшылык һәм теләктәшлек хисе тәрбияли.
Рәсем ясаган вакытта китапханәнең яшь укучылары конкурсларда, викториналарда катнаштылар, шигырьләр укыдылар - кыскасы, бөтен көчләре белән акыл, зирәклек, күзәтүчәнлек һәм күп китаплар укыганлыкларын күрсәттеләр. Балалар ясаган күп кенә рәсемнәр аларның якты хыялларын, фантазия очышы һәм оригинальлеген күрсәтә.
Рәсемнәр китапханә стендында урнаштырылды. Китапханә диварындагы балаларның иҗади эшләре,барлык авылдашларның да күзләрен сөендереп, игътибарын җәлеп итеп торачак.
Чарада катнашучыларның барсына да да татлы бүләкләр тапшырылды.