Александр Уляшев 30 минут назад ***
Кадыс котӧртӧ, лэбӧмӧн- лэбӧ,
Тӧлыс швачӧдӧ мен чужӧмбан.
Кытчӧдз лоас на ме пытшкын эбӧс,
Сэтчӧдз лоа мед колана тан.
Тайӧ грездас ме чужи да быдми,
Ӧнӧдз ола на тані со пыр.
Шогыс, шудыс кӧть ёнакодь лыдмис,
Тэнӧ радейтӧм некор оз быр.
Тэнсьыд олӧмтӧ сьӧлӧмӧн кыла,
Бокӧ муннысӧ оз кыскы дум.
Кыдзи кужа, ме сідзи и сьыла,
Эжва йывса тэ грезд, Скӧрӧдум.
А.Уляшев.
