Александр Уляшев 2 янв в 5:18 Дзоля дырйи ми вӧлі тӧвнас виччысям тулыс, мед ӧдйӧджык локтас да шондӧдас. Позяс ворсны шоръясӧн...Тулысын колӧ гожӧм, мед сідзжӧ сюсьджыка воас. Сэк позьӧ пӧттӧдз купайтчыны да гожйӧдчыны, ворсны быдсямапӧлӧсторсьыс, кӧмтӧг котравны сикт кузя...Гожӧмын--ар виччысям, вотчыны да кыйсьыны...Арын жӧ--тӧв. Мед ӧдйӧджык тырталас няйтъяссӧ да кын мусӧ аслас мича еджыд лымнас; йизясны тыяс да юяс; позяс сӧвны коньки, дадь да лыжи вылӧ...
Школаын велӧдчигӧн, гожся каникулысь ӧтдор нӧшта виччысьлім тӧвсяӧс, кор вӧлі лэдзалӧны Выль вося Ёлкаӧдз да январ-тӧвшӧр тӧлысьӧ, кӧть быд лун, позис ыславны лыжиӧн да даддьӧн юждӧм чой йывсянь. А юждім асьным жӧ, урокъяс вылысь лэдзалӧм бӧрын да шойччан лунъясӧ...
Ӧні оз нин южмы кырйыд-чойыд: некод оз ыслав лыжиӧн да даддьӧн, ставныс пукалӧны смартфонъяс сайын...
А миян кадӧ кутшӧм гажа вӧлі! Челядь гӧлӧсъяс асывсянь сёр рытӧдз юргисны ысласян кыр йывсянь. Миян сиктын мӧдлапӧвсаяс медся ёна вӧлі ыслалам Ӧльӧксан Иван да Педь
