Александр Уляшев вчера в 4:27 КОМИ МУӦ ВОИС ТӦВ
ЕДЖЫД ВӦВЪЯС ВЫЛЫН...
БЫТТЬӦ КИСЬТАЛІСНЫ ЙӦВ
ПУЯС, ВИДЗЬЯС ВЫЛӦ...
***
Лым… лым… лым…
Кӧчлӧн гӧн кодь лым.
Сиктын, вӧрын, ыб вылын—
Гӧгӧр куйлӧ лым.
Лым… лым… лым…
Усьӧ небыд лым,
Вазьӧдӧ синкым.
Кӧдзыд ывла,
Сьӧлӧм пым.
Лым… лым… лым…
Абу йӧзлӧн,
Асланым.
Мича еджыд- лӧза рӧм,
Сӧстӧм рӧм.
Ог на мынтӧй, майбыр, сьӧм,
Ньӧти сьӧм.
Кутшӧм лӧсьыд--АХ!
Оз на мырддьы олигарх.
Оз на гусь*
и шпана-сюсь
Лымчир тусь.
Лымйыд налы оз на ков.
Оз, дерт, ков.
Радлы сьӧлӧм,
Шуда ов!
Радлы, некодысь эн пов,
Коми лов!
Еджыд эшкын вевттьӧ му,
Коми му.
Лымсӧ некоді оз ну,
Мед оз ну!..
А. Уляшев.
*Оз гусь— оз гусяв
