Александр Уляшев 3 янв в 6:22 ***
Чизыр* Войтӧв пурт моз вундӧ,
Чужӧмбокӧ—швич.
Сійӧ абу небыд лунтӧв,
Ныр да бандзиб видз.
Писькӧдчӧ и пальто пиӧ,
Корсьӧ сэтысь мый?
Шапка костын нин со сійӧ,
Он тай кинад кый.
Мый нӧ тэныд колӧ, Войтӧв?
Чепӧльтін ӧд ныр.
Петӧмыд да сэні койтан
Сиктын вель нин дыр.
Лунтӧлыд пӧ сійӧ мам тӧв,
Войтӧв—кӧдзыд мам*.
Лунтӧв небыдика мавтӧ,
Войтӧв абу рам.
Тырмас скӧравнытӧ, ӧвсьышт,
Либӧ дзикӧдз лӧнь.
Гаж ӧд бырис шоныд тӧвсьыс,
Тэысь—эз быр скӧнь!*
А.Уляшев.
* Чизыр--лэчыд
* Кӧдзыд мам—тьӧща
* Скӧнь—дзик ньӧти(совсем)
