Башҡортостандың Финанс министрлығы хәбәр итеүенсә, республиканың Финанс үҙәге проекты 2023 йылғы “ФинЗОЖ эксперт” Бөтә Рәсәй премияһы исемлегенә инде. Был проект финанс алдашыуына ҡаршы көрәшеү маҡсатындағы социаль реклама циклынан тора. “Алдашыу осраҡтарын иҫкәртеүҙең иң йоғонтоло юлы – иң киң таралған алдашыу схемалары тураһында халыҡҡа мәғлүмәт биреп тороу. Быйыл “ФинЗОЖ эксперт” Бөтә Рәсәй конкурсында 300 проект ҡатнашты, иң яҡшы 30 проект шорт-исемлеккә эләкте, шул иҫәптән унда Башҡортостандың Финин үҙәге проекты бар”, – тине республика Хөкүмәте Премьер-министры урынбаҫары – финанс министры Лира Иғтисамова. Хәтерегеҙгә төшөрәбеҙ: “ФинЗОД эксперт” – граждандарҙың финанс мәҙәниәтен һәм йәмғиәттәге белдеклелек йолаларын булдырыуға йүнәлтелгән башланғыстарҙы дәртләндереү маҡсаты ҡуйған Бөтә Рәсәй конкурсы. Башҡортостандың Финанс үҙәгенең социаль рекламаһы сентябрҙә бөтә телеканалдарҙа, кинотеатрҙарҙа, күп функциялы үҙәктәрҙә, йәмәғәт транспортындла, аэропорттарҙа күрһәтелде. Фото: Башҡортостан Хөкүмәте.