Яңы йыл каникулында Ҡариҙел район ҡатын-ҡыҙҙары махсус хәрби операцияла ҡатнашыусылар өсөн өй һалмаһын әҙерләне. Яугирҙәр һурпа әҙерләү өсөн өй һалмаһын һораған. “Ҡариҙелдәребеҙ биргән бөтә нәмә йәнде йылыта”, - тип уртаҡлашҡан улар. Өй һалмаһын яҡташтары - "Луна" исеме аҫтында йөрөгән шәфҡәт туташы аша ебәрәсәктәр. Ул контракт буйынса хеҙмәт итә, әле ялға ҡайтҡан, әммә тиҙҙән яңынан фронтҡа юллансаҡ. Ҡатын-ҡыҙҙар үҙ ауылдарында һалма ҡырҡыуҙы бик ихлас ойошторған. Тәүгеләрҙән булып эшкә Мерәсем, Яңы Бәрҙәш ауылдары ҡатын-ҡыҙҙар советтары, Абыҙ, Байҡыбаш ауылдары клубтары һәм Ҡариҙел күп функциялы ауыл клубы әүҙемселәре ҡушылған. Улар яҡшы киптерелгән һәм төрөлгән ризыҡты гуманитар ярҙам ҡабул итеү пунктына килтергән дә инде. Фото сығанағы: vk.com/club141289563