Бөгөн, 2 ғинуарҙа көндөҙ Туймазы районының Илсембәт ауылында янғын сыға. Урынға шунда уҡ Рәсәй Ғәҙәттән тыш хәлдәр министрлығының Башҡортостан буйынса Баш идаралығы көстәре һәм башҡа ашығыс хеҙмәттәр сыға. Килеп еткәс алтыға ун үлсәмле бүрәнә йорт янғаны асыҡлана. Бөтә ерҙән дә көслө төтөн килә. 30 минут эсендә утты артабан таралыуҙан туҡтаталар, бер сәғәттә һүндерәләр. Ҡыҙғанысҡа ҡаршы, янғындан һуң емереклектәр араһында ир менән ҡатындың үле кәүҙәһен табалар. Уларҙың икеһе лә 1964 йылғылар, яҡынса ирле-ҡатынлылар. Янғынды 25 кеше һәм 11 берәмек техника һүндерә. Әле урында тәфтиш-оператив төркөм, янғын лабораторияһы белгестәре эшләй. Яңы йылдың тәүге көндәренән республикала янғындар артты, иң аяныслыһы унда кешеләр һәләк була. Зинһар өсөн янғын хәүефһеҙлеге ҡағиҙәләрен теүәл үтәгеҙ! Фото: МЧС.