Бөгөн хөрмәтле хеҙмәттәшебеҙ Лилиә НУРЕТДИНОВА тыуған көнөн билдәләй! Редакцияның ауыл хужалығы һәм иҡтисад бүлеге хәбәрсеһе Лилиә Нуретдинова "Башҡортостан" республика гәзитендә оҙаҡ эшләй, бурысына бик яуаплы ҡарай, иң мөһиме, һөнәрен ярата. "Хәбәрсе булыу – минең өсөн барыһы ла", – тип ҡыуанып һөйләй ҡәләмдәшебеҙ. Әгәр ҙә ул республикабыҙҙы арҡырыға-буйға киҫкән, тиһәк, был һис кенә лә арттырыу түгел. Командировкаларҙа халыҡ менән осрашып әңгәмәләшеү бер булһа, ә инде унан алып ҡайтҡан материалдар нигеҙендә уҡымлы мәҡәләләр яҙыу бөтөнләй икенсе нәмә. Ысынлап та, Лилиәнең әңгәмәләрен олоһо ла, кесеһе лә, көтөп ала, аналитик мәҡәләләрен эҙләп йөрөп уҡыуҙарын телгә алыу артыҡ. Шуныһы, хеҙмәттәшебеҙҙе коллективта ныҡ хөрмәт итәләр, ғөмүмән, уның абруйы ситтә лә бик юғары. Лилиә ханым хәстәрлекле ҡатын, балалары өсөн өҙөлөп торған әсәй. Уның донъяһы ла ялтырап тора, күңеле лә бик матур. Лилиә Нуретдинованы күркәм байрамы менән ҡайнар ҡотлайбыҙ! Ғаилә бәхете, тыныс тормош һәм ҡоростай һаулыҡ теләйбеҙ! Ҙур уңыштар юлдаш булһын, Көндәреңде шатлыҡ биҙәһен. Сәләмәтлек-ярты бәхет, тиҙәр Ошо бәхет ситләп үтмәһен! Иң изге теләктәр менән, "Башҡортостан" гәзите. Фото шәхси архивтан.