Башҡортостандың барлыҡ мәшғүллек үҙәктәре “Демография” милли проекты (национальный проект “Демография”) буйынса яңыртыла. Яңы офистар “Рәсәй эше” кадр үҙәктәре форматында эшләйәсәк, тип хәбәр итә Ғаилә, хеҙмәт һәм халыҡты социаль яҡлау министрылығы. Яңыртыу Рәсәй Федерацияһының Хеҙмәт министрлығы проекты буйынса башҡарыласаҡ. Конкурс һайлауы һөҙөмтәһендә Башҡортостан мәшғүллек үҙәктәрен комплекслы модернизациялау буйынса пилот төбәктәре рәтенә инде. Был башланғысты тормошҡа ашырыу өсөн республиканың Берҙәм мәшғүллек үҙәге булдырылған, төрлө район һәм ҡалаларҙа 68 филиал эшләйәсәк. Муниципалитеттарҙа буласаҡ кадр үҙәктәрен урынлаштырыу өсөн урындар билдәләнгән, 700-ҙән ашыу белгес уҡытылған. Заманса офистар булдырыу өсөн биналарҙа ремонт эшләнгән. Килеүселәр өсөн уңайлы шарттар хәстәрләнә. Шуны ла билдәләү мөһим, 23 кадр үҙәге яңы модулле биналарҙа эшләйәсәк. “Демография” милли проекты сиктәрендә Рәсәйҙә мәшғүллек үҙәктәре яңыртыла. Уларҙа эш табырға ғына ярҙам итмәйҙәр, һөнәри һәм юридик хеҙмәттәр ҙә күрһәтәләр. Милли проекттар Рәсәй Президенты Владимир Путиндың ҡарары буйынса 2019 йылдан тормошҡа ашырыла. Фото:”Башҡортостан” ДТРК-һы.