Башҡортостан Республикаһының Финанс министрлығы йыл һайын үткәрелгән Бөтә Рәсәй финанс белем биреү педагогтарының профессиональ оҫталыҡ конкурсының төбәк этабы тамамланыуы хаҡында иҫкә төшөрә. Конкурсты Рәсәй Федерацияһының Финанс министрлығы, Рәсәй Федерацияһының Үҙәк банкы һәм Финанс грамоталылыҡты үҫтереү ассоциацияһы менән берлектә Юғары иҡтисад мәктәбе милли тикшеренеү университеты базаһындағы Дөйөм һәм урта белем биреү системаһының финанс грамоталылығы буйынса федераль методик үҙәк ойоштора. Быйылғы уҡыу йылында федераль этап 2024 йылдың 26 ғинуарынан 5 мартына тиклем уҙа. - Бөтә Рәсәй финанс грамоталылығы педагогтарының профессиональ оҫталыҡ конкурсы уларҙың профессиональ потенциалын асыҡларға, тәжрибә уртаҡлашырға, финанс грамоталылыҡты арттырыу бурыстарын тормошҡа ашырыусы белгестәрҙең профессиональ берләшмәһе башланғыстарын бергәләп яҡлау һәм алға этәреү өсөн мәғлүмәти-методик киңлекте нығытырға мөмкинлек бирә, - тип билдәләне Башҡортостан Республикаһы Хөкүмәте Премьер-министры урынбаҫары – Башҡортостан Республикаһы финанс министры Лира Иғтисамова. Хәтерегеҙгә төшөрәбеҙ, 2022-2023 уҡыу йылы конкурсында Рәсәй Федерацияһының 34 субъекты ҡатнашты. Конкурстың төбәк этабында ҡатнашҡан педагогтарҙың дөйөм һаны 1852 кеше тәшкил итте, 145 ҡатнашыусы финалға (федераль этапҡа) сыҡты, 35-е еңеүсе булды. Төбәк жюрийы – 170, федераль жюри 25 эксперттан торҙо, уның составына конкурсты ойоштороусылар һәм партнерҙар вәкилдәре, төбәк координаторҙары, Дөйөм һәм урта белем биреү системаһының финанс белемлелеге буйынса федераль методик үҙәк хеҙмәткәрҙәре инде. Белешмә өсөн: Конкурстың партнерҙары сифатында Рәсәй Федерацияһы Мәғариф министрлығы, «Рәсәй Финанс министрлығының ғилми-тикшеренеү финанс институты» федераль дәүләт бюджет учреждениеһы, «Рәсәй Мәғариф министрлығы академияһы» федераль дәүләт мәғариф учреждениеһы, Рәсәй «Белем» йәмғиәте, «Яңы проекттарҙы ғәмәлгә ашырыу буйынса стратегик башланғыстар агентлығы», «Киләсәккә өлөш» хәйриә фонды, «Рики» продюсер үҙәге» яуаплылығы сикләнгән йәмғиәте сығыш яһай. Сығанаҡ: pravitelstvorb.ru