“Демография” милли проектының “Спорт – йәшәү нормаһы” федераль проекты сиктәрендә ҡышҡы каникулың һуңғы көнөндә Башҡортостан Республикаһының Белорет ҡалаһындағы “Йәшлек” стадионы боҙона райондың туғыҙ ғаилә командаһы сыҡты. Һыуыҡҡа ҡарамаҫтан, Белореттың татыу ғаиләләре “Яңы йыл ғаилә уйындары-2024”тә ярышты. Унда Белорет ҡалаһы һәм районы мәктәптәренән командалар ҡатнашты. Тәүге тапҡыр уйындар тайғаҡ боҙҙа (Яңы йыл ғаилә уйындары тураһында республика положениеһы талаптары буйынса) уҙҙы. Әммә был да спортсыларға ҡамасауламаны. Белореттың 16-сы мәктәбенән Савельевтар ғаиләһе еңеүсе булып танылды. Ғинуарҙа улар Өфөгә Яңы йыл ғаилә уйындарының киләһе, республика этабына юлланасаҡ һәм Белорет районы намыҫын яҡлаясаҡ. Икенсе урынды – Әбдрәхимовтар ғаиләһе (Белореттың 3-сө мәктәбе), өсөнсөнө 14-се гимназиянан Сорокиндар ғаиләһе яуланы. Уйындарҙа ҡатнашыусылар грамоталар, дипломдар, кубоктар, иҫтәлекле бүләктәр, шулай уҡ татлы приздар менән бүләкләнде. Билдәле булыуынса, “Демография” (национальный проект “Демография”) милли проекты Рәсәй Президенты Владимир Путиндың май указы менән булдырылды. Фото: Белорет районы хакимиәте.