Башҡортостан Республикаһы Ағиҙел халҡы Яңы йылға күптән көтөлгән һоҡланғыс бүләк алды. Сәскәләр бульварынан алып Еңеү мемориалына тиклемге биләмәлә урынлашҡан скверҙы төҙөкләндереү тамамланды. Бөтә эштәр “Торлаҡ һәм ҡала мөхите” милли проектының “Уңайлы ҡала мөхитен булдырыу” федераль программаһы сиктәрендә башҡарылды. Бәләкәй архитектура формаларын ҡуйыу йәмәғәт биләмәһен булдырыуҙың йомғаҡлау сараһы булды. Скверҙа тротуарҙар һәм клумбалар яңыртылды, заманса эскәмйәләр һәм урналар ҡуйылды. Ял итеү өсөн япмалы һәм фонарҙар ҡуйылған матур урындар барлыҡҡа килде. Тышҡы яҡтыртыу заманса диод яҡтыртыу системаһына алмаштырылды, видеокүҙәтеү системаһы ҡуйылды. Йәйгеһен “Йәшел Башҡортостан” акцияһы сиктәрендә сквер йәшелләндерелде. Хәҙер ҡала халҡы һәм ҡунаҡтары яңы парк буйлап йөрөйәсәк, ял итәсәк һәм ҡаланың матур күренештәре менән һоҡланасаҡ. Уңайлы сквер Ағиҙел халҡын йәлеп итеүсе йәнә бер урынға әүерелә. "Торлаҡ һәм ҡала мөхите" милли проекты ярҙамында ҡалала башҡа үҙгәрештәр ҙә алып б