Нуриман районы “Мәҙәниәт” милли проекты сиктәрендә Башҡортостанда тәүгеләрҙән булып күп функциялы күсмә мәҙәни үҙәк (автоклуб) алды. Ул тауыш, яҡтылыҡ ҡорамалдары менән йыһазландырылған. Тамашасылар аппаратураның хәрәкәтсәнлеген, яңғыраш сифатын, асыҡ һауалағы ялан шарттарында концерт номерҙары менән ҡыуаныс килтереү мөмкинлеген баһаланы. Ноябрь-декабрь айҙарында автоклуб Нуриман районының ауыл биләмәләре буйлап йөрөнө. “Музыкаль автоклуб ҡыш һағында” саңғы миҙгелен асыу тантанаһы автоклуб өсөн сағыу ваҡиға булды. Күмәкләп саңғыла йөрөгәндән һуң автоклубтың художество үҙешмәкәрлек артистары музыкаль номерҙар менән сығыш яһаны, автомобилдәр, сәйәхәттәр һәм ҡышҡы мажаралар тураһында йырҙар башҡарҙы. Сарала ҡатнашыусылар бергәләп йырланы, ысын ҡышҡы байрам атмосфераһын тыуҙырҙы. Был концерт саңғы миҙгелен асыуҙың сағыу мәле булды һәм йыйылыусыларҙа онотолмаҫ тәьҫораттар ҡалдырҙы. Нуриман районының Үҙәкләштерелгән клуб системаһы автоклубы “Мәҙәниәт” милли проекты сиктәрендә 2020 йылда республикала тәүгеләрҙән булып күсмә күп функциялы мәҙәни үҙәк алды һәм бөгөн алыҫ ауылдарға йөрөүен дауам итә. Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды. Фото: Нуриман районы хакимиәте.