По ссылке на страницу последования богослужения можно скачать в разных форматах службу на 18 января 2024 г. Предпразднство Крещения Господня. Последование включает: Последование включает: Вседневную вечерню, Утреню, Царские часы, Изобразительны, Великую вечерню с чтением Паремий Праздника в соединении с Божественной Литургией, Великое освящение воды.
Прямая ссылка на полное последование богослужения 18 января 2024 г. на резервной странице.
Резервная страница проекта: https://posledovanie.my1.ru/index/0-2
Телеграм канал проекта https://t.me/posledovanie/
Телеграм чат https://t.me/ChatPosledovanie
Поддержать Последование: молитвой, репостом, добрым словом или материально: http://posledovanie.ru/pomoshch-saytu/
Избранные тексты богослужения:
Тропа́рь Предпра́зднства, глас 4:
Возвраща́шеся иногда́ Иорда́н река́ ми́лотию Елиссе́евою,/ возне́сшуся Илии́,/ и разделя́хуся во́ды сю́ду и сю́ду/ и бысть ему́ сух путь, и́же мо́крый,/ во о́браз вои́стинну Креще́ния,/ и́мже мы теку́щее жития́ прехо́дим ше́ствие:// Христо́с яви́ся во Иорда́не освяти́ти во́ды.
Конда́к Предпра́зднства, глас 4:
Во струя́х днесь Иорда́нских быв, Госпо́дь/ Иоа́нну вопие́т:/ не убо́йся крести́ти Мя,/ спасти́ бо приидо́х// Ада́ма первозда́ннаго.
НА ЛИТУРГИИ:
Проки́мен предпразднства, глас 3:
Госпо́дь просвеще́ние мое́ и Спаси́тель мой, кого́ убою́ся?
Стих: Госпо́дь Защи́титель живота́ моего́, от кого́ устрашу́ся?
Чте́ние Апо́стола предпразднства (1Кор., зач. 143: гл.9, стт.19-27):
Бра́тие, свобо́ден сый от всех, всем себе́ порабо́тих, да множа́йшия приобря́щу. Бых Иуде́ем, я́ко Иуде́й, да Иуде́и приобря́щу: подзако́нным, я́ко подзако́нен, да подзако́нныя приобря́щу. Беззако́нным, я́ко беззако́нен, не сый беззако́нник Бо́гу, но зако́нник Христу́, да приобря́щу беззако́нныя. Бых немощны́м я́ко не́мощен, да немощны́я приобря́щу. Всем бых вся, да вся́ко не́кия спасу́. Сие́ же творю́ за благове́стие, да соо́бщник ему́ бу́ду. Не ве́сте ли, я́ко теку́щии в позо́рищи вси у́бо теку́т, еди́н же прие́млет по́честь? Та́ко тецы́те, да пости́гнете. Всяк же подвиза́яйся от всех воздержи́тся: и они́ у́бо да истле́нен вене́ц прии́мут, мы же неистле́нен. Аз у́бо та́ко теку́, не я́ко безве́стно, та́ко подвиза́юся, не я́ко возду́х бия́й. Но умерщвля́ю те́ло мое́ и порабоща́ю, да не ка́ко ины́м пропове́дуя, сам неключи́мь бу́ду.
Аллилуа́рий предпразднства, глас 4:
Стих: Отры́гну се́рдце мое сло́во бла́го, глаго́лю аз дела́ моя Царе́ви.
Стих: Красе́н добро́тою па́че сыно́в челове́ческих.
Чте́ние Ева́нгелия предпразднства (Лк., зач. 9: гл.3, стт.1-18)
В пятоена́десять ле́то влады́чества Тиве́рия ке́саря, облада́ющу Понти́йскому Пила́ту Иуде́ею, и четвертовла́ствующу Галиле́ею И́роду, Фили́ппу же, бра́ту его́ четвертовла́ствующу Тури́ею и Трахони́тскою страно́ю, и Лиса́нию Авилини́ею четвертовла́ствующу, при архиере́и А́нне и Каиа́фе, бысть глаго́л Бо́жий ко Иоа́нну, Заха́риину сы́ну, в пусты́ни. И прии́де во всю страну́ Иорда́нскую, пропове́дая креще́ние покая́ния во оставле́ние грехо́в. Я́коже есть пи́сано в кни́зе слове́с Иса́ии проро́ка, глаго́люща: глас вопию́щаго в пусты́ни, угото́вайте путь Госпо́день, пра́вы твори́те стези́ Его́. Вся́ка дебрь испо́лнится, и вся́ка гора́ и холм смири́тся: и бу́дут стропо́тная в пра́вая и о́стрии в пути́ гла́дки. И у́зрит вся́ка плоть спасе́ние Бо́жие. Глаго́лаше же исходя́щим наро́дом крести́тися от него́: порожде́ния ехи́днова, кто сказа́ вам бежа́ти от гряду́щаго гне́ва? Сотвори́те у́бо плоды́ досто́йны покая́ния, и не начина́йте глаго́лати в себе́: отца́ и́мамы Авраа́ма. Глаго́лю бо вам, я́ко мо́жет Бог от ка́мения сего́ воздви́гнути ча́да Авраа́му. Уже́ бо и секи́ра при ко́рени дре́ва лежи́т: вся́ко у́бо дре́во, не творя́щее плода́ добра́, посека́ется и во огнь вмета́ется. И вопроша́ху его́ наро́ди, глаго́люще: что у́бо сотвори́м? Отвеща́в же глаго́ла им: име́яй две ри́зе, да пода́ст неиму́щему, и име́яй бра́шна, та́кожде да твори́т. Приидо́ша же и мытари́ крести́тися от него́, и ре́ша к нему́: учи́телю, что сотвори́м? Он же рече́ к ним: ничто́же бо́ле от повеле́ннаго вам твори́те. Вопроша́ху же его́ и во́ини, глаго́люще: и мы что сотвори́м? И рече́ к ним: никого́же оби́дите, ни оклеветава́йте: и дово́льни бу́дите обро́ки ва́шими. Ча́ющим же лю́дем, и помышля́ющим всем в сердца́х свои́х о Иоа́нне, еда́ той есть Христо́с, отвещава́ше Иоа́нн всем глаго́ля: аз у́бо водо́ю креща́ю вы: гряде́т же Кре́плий мене́, Ему́же несмь досто́ин отреши́ти реме́нь сапогу́ Его́. Той вы крести́т Ду́хом Святы́м и огне́м. Ему́же лопа́та в руку́ Его́, и потреби́т гумно́ Свое́, и собере́т пщени́цу в жи́тницу Свою́, пле́вы же сожже́т огне́м негаса́ющим. Мно́га же у́бо и и́на, утеша́я благовествова́ше лю́дем.
Вме́сто Досто́йно есть:
О Тебе́ ра́дуется, Благода́тная вся́кая тварь,/ А́нгельский собор и челове́ческий род,/ освяще́нный хра́ме и раю́ слове́сный,/ девственная похвало́,/ из Нея́же Бог воплоти́ся,/ и Младе́нец бысть, пре́жде век Сый Бог наш:/ ложесна́ бо Твоя́ престо́л сотвори́/ и чре́во Твое́ простра́ннее Небе́с соде́ла.// О Тебе́ ра́дуется, Благода́тная, вся́кая тварь, сла́ва Тебе́.
Прича́стен:
Хвали́те Го́спода с Небе́с, хвали́те Его́ в Вы́шних. Аллилу́ия, аллилу́ия, аллилу́ия.