"Улым хаҡында уйланмаған бер минутым да юҡ", ти әсә

Флүзә Мулләхмәт ҡыҙының бына ике йыл инде күңеле тыныс түгел. Махсус хәрби операция башланғандан алып улы хаҡында уйланмаған бер минуты ла юҡ, тип яҙа “Светлый путь” – Улым нефть компанияһында баш белгес булып эшләне, – ти әсә “Кошмар” позывнойлы 35 йәшлек яугир улы хаҡында. – Тамбовта хеҙмәт итте, хәрби специальносы – спецназ, разведрота. Ул яҡшы уҡыны, дисциплиналы, ҡыйыу һәм яуаплы егет. Бик күп Почет грамоталары, Рәхмәт хаттарына лайыҡ булды. Штурм ваҡытында хәрби бурысын өлгөлө үтәгәне өсөн беренсе дәрәжә “Хәрби батырлыҡ өсөн” миҙалы менән наградланды. “Кошмар” позывнойлы рота командиры яңыраҡ ҡыҫҡа ваҡытлы ялда булып киткән. Ҡатыны менән ике бала тәрбиәләйҙәр. – Улым мине тынысландырырға теләп, былай тине: ”Әсәй, ҡулына ҡорал алырға һәләтле һәр йәш кеше Ватанын һаҡларға тейеш. Был – ир-аттың изге бурысы. Унда бөтәһе лә яҡшы, зарланырлыҡ түгел”. Мин улымдың ҡарашы менән тулыһынса килештем. Беҙгә – әсәйҙәргә, ҡатындарға, апай-һеңлеләргә – балаларыбыҙҙың иҫәнлеген теләп, доға уҡырға, ышанырға, көтөргә генә ҡала, – ти әсә. Яугир “Светлый путь”гәзите аша яҡташтарына ҡайнар сәләм ебәреп, уларҙы Яңы йыл менән ҡотлаған: – Ҡәҙерле яҡташтар, Дүсән ауылы һәм Бишбүләк районы халҡы! Ихлас күңелдән һеҙҙе Яңы йыл байрамы менән ҡотлайым! Ныҡлы һаулыҡ, именлек һәм тыныс күк йөҙө теләйем. Форсаттан файҙаланып, беҙгә күрһәткән ярҙамығыҙ өсөн рәхмәт белдергем килә, һеҙҙең терәк булыуығыҙ беҙгә дәрт өҫтәй һәм хәрби рухты күтәрә. Мин шундай ярҙамсыл яҡташтарым һәм ауылдаштарым булыуы менән ғорурланам. Һеҙҙе тағы бер тапҡыр Яңы йыл менән ҡотлайым! Еңеү менән ҡайтасаҡбыҙ! Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондара аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: ғаилә архивынан.