Республикала мәктәп урмансылыҡтарының визит карточкалары конкурсы тамамланды. Балалар менән бындай эш “Экология” милли проектын тормошҡа ашырыу сиктәрендә алып барыла (национальный проект “Экология”), тип хәбәр итә төбәктең урман хужалығы министрлығы. Был сарала 17 район һәм ҡалаланан 22 мәктәп урмансылыҡтары ҡатнашты. Уның маҡсаты – иң яҡшы урмансылыҡтарҙы асыҡлау һәм күрһәтеү ине. Балалар конкурсҡа визит карточкаһында урмансылыҡтарҙың тарихы, эше тураһында мәғлүмәттәр әҙерләне, төбәктең урманды үҫтереү үҙенсәлектәре күрһәтелде, эштәге ҡаҙаныштар билдәләнде. Конкурс һөҙөмтәләре буйынса Асҡар ауылының 1-се мәктәбенән “Йәшел урман” урмансылығы һәм Благовещен ҡалаһының 2-се мәктәбенән “Ҡарағай"Урмансылығы еңеүгә лайыҡ булды. “Экология” милли проекты ҡалдыҡтар менән эш итеүҙең һөҙөмтәлелеген күтәреүгә, Рәсәйҙең үҙенәлекле флораһын һәм фаунаһын һаҡлауға йүнәлтелгән. Рәсәй Президенты Владимир Путин ҡарары менән булдырылған милли проекттар 2019 йылдан тормошҡа ашырыла. фото:"Башҡортостан"ДТРК-һы.