🇹🇯Ҳамдиёрони азиз! Муҳтарам кормандон, волонтёрони Ҷамъияти Ҳилоли Аҳмари Тоҷикистон ва аъзоёни гиромӣ!
🗓Имрӯз мо дар арафаи як санаи хеле муҳим ва хотирмон - 96-умин солгарди таъсисёбии Ҷамъияти Ҳилоли Аҳмари Тоҷикистон қарор дорем. Ин на танҳо боиси хурсандиву ифтихор, балки имконияти бузурге барои ёдоварӣ аз дастовардҳои ҶҲАТ, ҳамчун ягона Ҷамъияти миллӣ, эҳтиром ба ҳар касе, ки бо мо ҳамкорӣ кардааст ё ҳамкорӣ мекунаду иқдомҳои хайрро идома медиҳанд, ба ниёзмандон кӯмак мерасонанд ва дар маҷмӯ ташаббусҳои башардӯстонаро ҷонибдорӣ менамоянд, ба ҳисоб меравад.
⭕️Ҷамъияти Ҳилоли Аҳмари Тоҷикистон тавонист аз соли 1927, яъне аз замони таъсис ёфтанаш то кунун рамзи умед ва пуштибонии ҳазорон нафар гардад. Мо ифтихор дорем, ки имрӯзҳо дар ҷомеа нафарони зиёде ташаббус ва иқдомҳои башардӯстонаи Ҷамъиятро дастгирӣ мекунанду вақт, нерӯ ва захираҳои худро ихтиёран барои кӯмак ба онҳое, ки дар ҳолатҳои душвор қарор доранд ё ба кӯмаки башардӯстона ниёз доранд, сарф менамоянд.
📜Агар мо ба таърих нигоҳ кунем, санаи 23 декабри соли 1927 аввалин маротиба Органи марказии Ҷамъияти Ҳилоли Аҳмари Тоҷикистон созмон дода шуд. Аввалин роҳбари Ҷамъият яке аз шахсиятҳои барҷаста, Қаҳрамони халқи тоҷик Нусратулло Махсум интихоб гардид, ки нақши номбурда дар густариши фаъолиятҳои ҶҲАТ, кӯмаки амалӣ ба қишри ниёзманди ҷомеа ва баланд гаштани нуфузи Ҷамъият хело муҳим мебошад.
📑Боиси хурсандӣ аст, ки имрӯзҳо ҶҲАТ ҳамчун нерӯи мададрасони сохторҳои давлатӣ дар заминаи ташаббусҳои наҷиб ва инсондӯстонаи Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон дар ҷомеа нақш ва мақоми арзанда дорад. Пушти ин шинохту мақом ва эътимоди ҷомеа бе шубҳа заҳмати садҳо, ҳазорон нафар дар тӯли чандин даҳсолаҳо меистад, ки ба ин ҳама ноил шудан кори саҳлу осон нест. Аз ин лиҳоз бо истифода аз фурсати муносиб, мехоҳам ба ҳамаи собиқадорони Ҷамъият ва кормандони он дар саросари кишвар, сар карда аз роҳбарият ва кормандони Дастгоҳи иҷроияи кумитаи марказӣ, кормандони Филилаҳои Ҷамъият дар саросари кишвар то ба охирин волонтёрону аъзоёни Ҷамъият арзи сипосу миннатдорӣ баён кунам.
🔶Хурсандиовар аст, ки ️дар баробари кормандон, волонтёрони мо низ дар ҷомеаи имрӯза нақши назаррас доранд. Онҳо новобаста аз душвориву моенаҳо, бо ҷидду ҷаҳд, шавқу рағбат ва садоқати худ собит менамоянд, ки меҳрубонӣ на танҳо дар гуфтор, балки дар рафтор ва тарзи зиндагӣ аст. Ташаббусҳои волонтёрон ва ҷонибдории онҳо аз барномаву лоиҳаҳо ва иқдомҳои кӯмакрасонии ҶҲАТ, махсусан фаъолият дар давраҳои рух додани ҳар гуна офатҳои табиӣ ва ҳолатҳои фавқулодда, хело назаррас мебошад.
⭕️Бо истифода аз фурсати муносиб, мо мехоҳем ба ҳамаи шариконамон, ки фаъолиятҳои моро дастгирӣ мекунанд ва бо мо ҳамкорӣ доранд, миннатдории самимии худро баён кунем. Бе дастгирии молиявию техникӣ ва моддии онҳо мо наметавонистем ба чунин муваффақиятҳо ноил гашта, дар иҷрои рисолати худ комёб гардем.
Ман фикр мекунам, ҳамаи комёбиҳо ва пешрафтҳои мо ба шарофати одамоне, ки ба адолат, сулҳу осоиш ва инсондӯстӣ боварӣ доранд, ба вуҷуд меоянд. Бо шарофати чунин нафарон мо тавонистем ба ниёзмандон на танҳо кӯмаки моддӣ, балки умед ва дастгирии ҳамаҷониба низ расонем. Фидокорӣ ва хоҳиши кӯмак ба дигарон як иқдоми воқеӣ ва олиҷаноб аст, ки инро сокинони хайрхоҳ махсусан бо аъзо шудан ба сафи ҶҲАТ ва супоридани маблағи аъзоҳаққӣ дастгирӣ намуда истодаанд. Бовар дорам ин ташаббусҳоро сокинони хайрхоҳу некандеш минбаъд низ ҷонибдорӣ хоҳанд кард.
📄Ба муносибати 96-умин солгарди таъсисёбии Ҷамъияти Ҳилоли Аҳмари Тоҷикистон мо ба гузашта бо сарбаландӣ ва ҳисси ифтихор аз насли ташббускор ва ба оянда бо некбинӣ ва нақшаву ҳадафҳои бештар, ки моҳияти ҳамаи онҳоро кӯмак ва дастгирии қишри ниёзманд ва дар маҷмӯ беҳтар кардани ҷомеа ташкил медиҳад, нигоҳ мекунем. Мо медонем, ки ҳанӯз дар пеш кору масъулиятҳои зиёд моро интизор аст, вале мо омодаем, ки ин ҳама фаъолиятҳои дар пеш истодаро дар ҳамбастагӣ ва бо риояи принсипҳои башардӯстӣ иҷро намуда кӯшишу тавони худро барои пешрафту рушди бо суботи ҷомеа равона намоем.
➡️Бори дигар ҳамаи кормандон, волонтёрон ва аъзоёни Ҷамъияти Ҳилоли Аҳмари Тоҷикистонро бо ин ҷашни фархунда, яъне 96 солагии фаъолияти Ҷамъият табрик мегӯям! Ба ҳар яки шумо барои хизматҳои фидокоронаатон ба одамон ва барои саъю кӯшишҳои доимиатон барои рушди ҷомеа арзи сипосу миннатдории бепоён баён менамоям.
🟢Ба ҳамаи шумо дар корҳоятон барору комёбӣ, хушиву нишот ва дар зиндагониатон пешрафту дастовардҳои назаррасро орзумандам. Бигзор ҷомеаи мо тавоно, муттаҳид ва ҳамеша омода бошад, ки ба ниёзмандон дасти кӯмак дароз намояд. Дар роҳи расидан ба ин амри нек, ҶҲАТ ва Филиалҳои он ҳама вақт омода ҳастанд, ки василаи самаранок бошанд.
✨️Бо як ҷаҳон таманниёти нек ва орзуҳои беҳтарин, Котиби иҷроияи Филиали ҶҲАТ дар вилояти Суғд Парвиз ҶАББОРЗОДА
🔗-🔗-🔗-🔗-
📍Телеграм: https://t.me/redcrescent_sogd
📍Инстаграм: https://www.instagram.com/redcrescenttajikistan/
📍Ютуб: https://www.youtube.com/channel/UCx-_H-xJGH0x2YB-6YzUYXw