Башҡортостандың Туймазы ҡалаһында төп байрам – Яңы йыл алдынан икенсел сеймалдан йыйылған экологик шыршы барлыҡҡа килде. Ғәҙәти булмаған арт-объект ҡаты коммуналь ҡалдыҡтар менән эш итеү буйынса төбәк операторы – “Экология Т” компанияһы башланғысы буйынса төҙөлдө һәм ҡуйылды. Был сара “Экология” милли проекты маҡсаттарына ярашлы һәм ярҙамына үткәрелә. Яңы йыл һылыуҡайын етештереү өсөн ҡаты коммуналь ҡалдыҡтарҙан сортланған ПЭТ-шешәләр файҙаланылған. Шыршы булдырыу өсөн 1120 берәмек пластик тара киткән. Конструкция өсөн кәрәкле сеймалды Туймазыла сүп-сарҙы сорттарға айырыу комплексы хеҙмәткәрҙәре һайлап алған. Бөтә материалдар ҙа ентекле таҙартылған һәм шыршыға ҡуйыу өсөн әҙерләнгән. – Яңы йыл алдынан шыршы бөтәһенең дә кәйефен күтәреүҙән тыш, ҡалдыҡтар менән дөрөҫ эш итеүҙең мөһимлеген хәтергә төшөрә. Экологик шыршы менән февраль аҙағына тиклем һоҡланырға мөмкин. Шунан һуң ул һүтеләсәк, ә йәшел шешәләр эшкәртеүгә оҙатыласаҡ, унда яңы тауарҙар өсөн сеймал буласаҡ, – тип һөйләне компания вәкиле. Билдәле булыуынса, “Экология” (национальный проект “Экология”) милли проекты Рәсәй Президенты Владимир Путиндың май указы менән булдырылды. Фото: Тәбиғәттән файҙаланыу һәм экология министрлығы.