60 йәшлек яугирҙе бөтә ғаиләһе ҡаршы алды

Өфөгә ҡыҫҡа ваҡытлыса ялға махсус хәрби операция биләмәһенән “Башҡортостан” мотоуҡсылар полкы хәрбиҙәре ялға ҡайтты. Улар әле яҡындары янында ял итә, шулай уҡ район хакимиәттәре башлыҡтары ла менән дә осрашыуҙарҙа ҡатнаша. Ялға ҡайтҡан яугирҙәрҙе Өфөлә Миңлеғәле Шайморатов һәйкәле урынлашҡан Совет майҙанында ҡаршы алдылар. Шул саҡта улар менән "Республика Башкортостан" гәзите журналистары аралашып ҡалды. “Колибри» позывнойлы хәрби хеҙмәткәр медицина ротаһында ҡатын-ҡыҙҙар ҙа хеҙмәт итеүен һөйләне. Хәҙер улар Луганск Халыҡ Республикаһының баш ҡалаһында урынлашҡан. – Хәҙер беҙҙе хәрби госпиталь урынлашҡан Луганск ҡалаһына күсерҙеләр. Һаулыҡ һаҡлау министрлығының хәрбиҙәргә ярҙам итергә тигән бойороғо килгәс, шунда уҡ үҙ теләгем менән барырға ҡарар иттем. Ковид госпиталдә лә эшләнем. Туғандарым минең кешеләргә медицина ярҙамы талап ителгән урында булырға тейешлегемде аңлап ҡабул итте, – тине ҡатын. Республика Башлығының хәрбиҙәр менән үҙ-ара хеҙмәттәшлек мәсьәләләре буйынса кәңәшсеһе Алик Камалетдинов Башҡортостандың легендар дивизия командирына честь бирҙе. Ул яугирҙәрҙән ялдарында туған мәктәптәренә барып, балаларға хеҙмәт, бурыс һәм илһөйәрлек тураһында һөйләргә ваҡыт табыуҙарын да үтенде. “Улар өсөн геройҙар кинолағы Ремболар һәм башҡа американдар булмаһын, ә хәрби хеҙмәткәрҙәребеҙ булыуы мөһим”, – тип белдерҙе Алик Камалетдинов. “Монтер” позывнойлы хәрби хеҙмәткәрҙе ҡатыны һәм балалары ҡаршы алды. “Был ваҡыт эсендә төрлө урындарҙа булдым. Минең кеүек үк ҡарар ҡабул иткәндәрҙең барыһына ла, ҡурҡырға кәрәкмәй, тип әйтергә теләйем, хеҙмәт яҡшы кимәлдә ойошторолған. Беҙ һеҙҙе көтәбеҙ”, – тине “Монтер”. Мишкәнән 60 йәшлек яугирҙе бөтә ғаиләһе ҡаршы алды. Ул сроклы хеҙмәттә булмаған, әммә, махсус хәрби операция башланғас та ил алдындағы бурысы тураһында уйлана башлай. – Әгәр мин Ватанды һаҡларға бармаһам, минең балаларыма уны яҡларға тура киләсәк. Үҙемә хәрби бурысымды үтәү дөрөҫөрәк булыр, – тип билдәләне яугир. “Башҡортостан” полкы батальондарының береһенән “Кэп” позывнойлы сәйәси эш буйынса командир урынбаҫары белдереүенсә, Тыуған илде һаҡлау бурысы ҡуйылғанда, йәштең әһәмиәте юҡ. “Ысын ир-аттарға бындай ваҡиғаларҙан ситтә ҡалырға ярамай. Был уларҙың туранан-тура бурысы – яҡлау. Ғаиләгә ҡарарымды белдерҙем. Хупланылар тип әйтмәйем: ҡатын бик аптыраны, балалар минең өсөн бер үк ваҡытта борсолдо ла, ғорурланды ла. Мин бит кадрҙағы офицер, үҙ ваҡытында хәрби училище тамамланым. Флотта хеҙмәт иттем. Совет армияһында, һуңынан Рәсәй армияһында сәйәси хеҙмәткәр булдым. Һәм был әлеге хеҙмәтемдә бик ярҙам итә. Бөтә полк өсөн әйтмәйем, әммә минең, өсөнсө, батальон – иң яҡшыһы. Әле фронттан ҡайттыҡ. Ҡайҙа йөрөгәнебеҙҙе әйтә алмайым, әммә дошман, артиллерия һәм миномет уты аҫтында даими булдыҡ. Беҙҙә бик яҡшы егеттәр. Ялдан һуң сафҡа кире ҡайтасаҡбыҙ. Хәҙер ял итергә теләйем, - тине “Кэп”. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондары аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ.Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: Башинформ.