Максим Забелин табиптарҙың һөнәри оҫталығын юғары баһаланы

Башҡортостан Башлығы Хакимиәте етәксеһе Максим Забелин социаль селтәрҙә республика табиптарын Яңы йыл байрамы менән ҡотлап, уларға иң яҡшы теләктәрен еткергән. “Ҡәҙерле табиптарыбыҙ! Ихлас шатланып һәм ғорурланып, һеҙҙең һәр берегеҙҙе яҡынлашып килгән Яңы йыл менән ҡотлайым! Үҙегеҙҙе хөрмәтле һәм мөһим эшкә – ил халҡы сәләмәтлеге тураһындағы хәстәрлеккә – арнауығыҙ һәм тоғро булыуығыҙ маҡтауға һәм танылыуға лайыҡлы. Беҙ медицина университетының ситтә ҡалмайынса махсус хәрби операция зонаһына һәм яңы төбәктәргә ете бригаданың сығыуын ойоштороуы менән ғорурланабыҙ. Был – һеҙ күрһәткән профессиональ яуаплылыҡ һәм миһырбанлыҡтың юғары кимәле. Ошондай медицина хеҙмәткәрҙәре араһынан мин бер кеше хаҡында һөйләргә теләйем, ул – Рөстәм Сәйфуллин. Мелитополдә командировкала булғанда Рөстәм Рәшит улы халыҡҡа һәм хәрби хеҙмәткәрҙәргә медицина ярҙамын күрһәтте. Ул шәхсән һары ауырыуына дусар, сир арҡаһында 15 килограмға ябыҡҡан ҡатынға ярҙам итте. Шеште ҡырҡып алып, ҡатында йәшәүгә өмөт уятты. Кешелеклелеге һәм оҫталығы өсөн Рәсәй Президенты Указы менән ул Лука Крымский миҙалы менән наградланды. Шулай уҡ университеттың бөтә табиптарын байрам менән ҡотлайым һәм ныҡлы һаулыҡ, именлек һәм хеҙмәттәрендә уңыштар теләйем.Һеҙҙең эшегеҙ мөһим һәм ҡиммәтле, һеҙҙең тырышлығығыҙ һәм профессионализмығыҙ өсөн рәхмәтлемен”. Фото: https://vk.com/wall523359892_4205