"Ҡустым менән бер тапҡыр ғына осраштыҡ..."

Федоровка районы егеттәре лә бөгөн алғы һыҙыҡта батырлыҡ, ҡыйыулыҡ өлгөһө күрһәтә. Шуларҙың береһе - ”Сема” позывнойлы яугир “Ашҡаҙар таңдары” гәзите хәбәсеһе һорауҙарына яуап биргән. Ни өсөн йәш егет үҙ теләге менән шундай яуаплы аҙымға барырға булған? – Мин күптән контракт буйынса армияла хеҙмәт итергә теләй инем. Өлөшләтә мобилизация иғлан ителгәс, ҡустым повестка алды, ә миңә – юҡ. Шуға күрә контракт төҙөргә тура килде. Мәскәү эргәһендә армияла хеҙмәт иткәндән һуң, заводта, тимер юл предприятиеһында эшләнем. Хәрби әҙерлек барышында хәрби машина командирына уҡыттылар. Республикала беренсе булып төҙөлгән М. Шайморатов исемендәге батальонға эләгергә теләнем, унда таныштарым да бар ине. Тәүге хәрби сынығыуҙы бер ҡасабаны штурмлау ваҡытында алдым, шунан һуң бүлексә командиры булып киттем. Бер ай буйы шунда булдыҡ. Заданиены үтәгәндән һуң рота старшинаһы итеп тәғәйенләнеләр. Әле прапорщик званиеһында хеҙмәт итәм. Башҡортостан Башлығын ике тапҡыр күрергә яҙҙы, уның ҡулынан Шаймортов миҙалын алдым. Беҙҙең үтенестәрҙе иғтибарһыҙ ҡалдырмайҙар, республика етәксеһенә үҙемә лә мөрәжәғәт итергә тура килде, мәсьәләне бик тиҙ хәл иттеләр. Яңыраҡ ведомствоның ике миҙалы менән наградланылар. Луганск һәм Донецк Халыҡ Республикалары халҡы беҙгә ярҙам итергә тырыша. Әкренләп тыныс тормоштоң яйлана барыуын күреү күңелле. Азат ителгән райондарҙа иген сәсәләр, магазиндар, балалар баҡсалары, мәктәптәр, почта, халыҡ милицияһы эшләй, биналар тергеҙелә. Беҙгә маскировкалау селтәрҙәре кәрәк, улар килеп тора, береһе лә буш ятмай – файҙаланыла. Хатта ҡышын да ҡар күп түгел, сөнки артиллерия уты бер ниҙе лә йәлләмәй. Шуға күрә ҡышын да һоро, көрән төҫтәге селтәрҙәр кәрәк. Техник яҡтан тәьмин ителеш яҡшы. Дрондар менән эш итеүсе белгестәр әҙерләнә. Ауыр мәлдәр һуғышта күп инде, иң ауыры – бер туғанға әүерелгән иптәштәреңде юғалтыу. Үлем менән йөҙгә-йөҙ осрашыуға күнегергә һәм артабан һуғышырға тура килә. Ҡустым менән бер тапҡыр ғына осраштыҡ, ул үҙе мине килеп тапты. Тағы осрашырға ине... Ҡаршы яҡ хәрбиҙәре үҙҙәре теләп пленға бирелгән осраҡтар ҙа бар. Уларҙы махсус хеҙмәттәргә тапшырабыҙ. Һәләк булған наемниктар араһында поляктар, американдар ҙа бар. Улар араһында ҡатын-ҡыҙҙар ҙа аҙ түгел – табиптар, снайпершалар. Климат беҙҙәгенән айырыла, һауа дымлыраҡ, еле әсерәк кеүек. Нисек кенә ауыр, хәүефле булмаһын, мин бер ваҡытта ла контракт төҙөгәнемә үкенмәнем. Еңеүгә тиклем ошонда буласаҡмын, сөнки был беҙҙең еребеҙ, ҡоралланған поляк һәм американдарҙы беҙ бит бында саҡырманыҡ, – тине батыр яугирҙәребеҙҙең береһе - “Сема” позывнойлы егет. Хәҙер ул алғы һыҙыҡта, яҡташыбыҙға һаулыҡ, ҡаҡшамаҫ рух теләйбеҙ. Еңеү менән, тиҙерәк әйләнеп ҡайт, яугир! Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондара аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото:”Ашҡаҙар таңдары”.