Бөгөн – Башҡорт теле көнө. "Башҡортостан" гәзите төркөмдәштәребеҙҙе байрам менән үҙенсәлекле итеп ҡотларға булды. Видеояҙмала әҙәбиәт һәм мәҙәниәт бүлеге хеҙмәткәрҙәре – Таңсулпан Байтимерова (ижади псевдонимы – Таңсулпан Рәсүл) үҙе ижад иткән шиғырҙы уҡый, Рәүилә Ғатауллина туған телебеҙгә мәҙхиәгә әүерелгән, күбеһе яратып йырлаған "Башҡорт телендә һөйләшәм" йырын башҡара. Әсә телебеҙҙе һөйгән һәр кем был йырҙарҙың авторҙарын да яҡшы белә – Рәшит Шәкүр һүҙҙәре, Мөхәррәм Сәлимов көйө. Телебеҙҙе яратайыҡ, балаларыбыҙға өйрәтәйек, башҡортса аралашайыҡ! Байрам менән – Туған телебеҙ көнө менән, дуҫтар!