Ҡатыны ла санитарка булып барырға теләй

Белорет районының Үҙән ауылынан 35 йәшлек “Үҙән” ҡушматлы яугир – профессиональ хәрби. Ул - контракт хеҙмәте һәм хатта Сомалиҙа диңгеҙ пираттарын тотоу тәжрибәһе булған диңгеҙ пехотасыһы. – Махсус операция башланғас, минең өсөн йоҡоһоҙ төндәр башланды. Выждан ғазапланы: ни өсөн мин бында, ә кемдер унда? Мин бит профессиональ хәрби, диңгеҙ пехотасыһы”, – ти яугир. "Үҙән" һәм уның ҡустыһы ирекмән булып махсус хәрби операцияға китә, бер ротаға эләгәләр. Яугирҙең ҡатыны ла санитарка итеп алыуҙарын һорай, әммә уны кире ҡағалар. Ҡатын әле ирекмәнлек менән шөғөлләнә: маскировка селтәрҙәре үрә һәм был һөнәргә башҡаларҙы ла өйрәтә. "Үҙән" - сапер. Ул Рәсәй ғәскәрҙәренең оборонаһына яҡынлашыу урындарына мина ҡуя, ә биләмәләрҙе дошмандан азат иткәндән һуң яландарҙы шартлатҡыстарҙан таҙарта. "Үҙән" үҙенең егеттәр араһындағы кеүек туғанлыҡты бер ҡасан да осратҡаны булмауы тураһында һөйләй. Хәрби хеҙмәткәр әйтеүенсә, унда яугирҙәргә хатта үҙ-ара бәхәсләшеү тыйылған. Әгәр низағ тыуһа, ике ҡатнашыусыны ла тәртипкә тарттыралар, өҫтәүенә, башҡалар алдында, бәхәстең нескәлектәренә артыҡ иғтибар итмәйенсә, асыҡтан-асыҡ язалайҙар. Шулай уҡ ул фронтта милләт-ара бүленеүҙәр булмауын, ә барыһы ла бер-береһе менән йәнәш татыу хеҙмәт итеүе тураһында ла һөйләй. Был хаҡта ул хатта әсирлеккә эләккән украин һалдатына ла аңлатҡан. – “Мин – башҡорт! Минең үҙ телем, үҙ мәҙәниәтем, үҙ республикам бар. Ни өсөн беҙҙә, Рәсәйҙә, төрлө халыҡтар тыныс йәшәй ала? Ни өсөн һеҙ быға өйрәнмәнегеҙ? Ни өсөн рус телендә һөйләшергә теләүселәрҙе ыҙалатаһығыҙ?" - тип мин уға аңлатыу дәресе үткәрҙем, ул хатта уйға батты, – ти “Үҙән”. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондары аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Мәғлүмәт сығанағы: “Белорецкий рабочий” гәзите. Фото: “Үҙән”дең ғаилә архивынан.