Барлык бәйрәмнәр арасында Яңа елны каршылау дөньядагы барлык халыкларның иң көтелгән һәм иң яраткан бәйрәме булып тора.
Россия - иң күпмилләтле ил. Биредә 190нан артык милләт яши, аларның һәрберсе үзләренең мәдәни мирасы белән аерылып торалар. Ә Яңа елны һәр аерым төбәктә бәйрәм итү - һәрбер халыкта уникаль традиция.
Район балалар китапханәсе хезмәткәрләре 2 нче сыйныф укучылары өчен “Идел буе халыклары арасында Яңа елны бәйрәм итү традицияләре” дигән әңгәмә-хикәя һәм “Кышкы бияләй” мастер-классы үткәрделәр. Чара китапханә каршында эшләүче “Фантазёрлар” балалар иҗатын үстерү клубы кысаларында узды.
Китапханә хезмәткәрләре балаларга Яңа елны 31 декабрьдән 1 гыйнварга каршы төндә каршылау гадәте Петр I заманында барлыкка килгәнен, Идел буендагы барлык халыклар бер үк Яңа ел традицияләрен берләштерүләрен сөйләделәр. Балалар шулай ук һәр халыкның яраткан кышкы тылсымчысы: урысларда - Дед Мороз һәм Снегурочка, татарларда- Кыш Бабай һәм аның оныгы Кар кызы, чуваш халкында - Хель Мучи һәм оныгы Юр Пике, мариларның Йушто Кугыза һәм оныгы Лумӱдыр булуын белделәр.
Чара азагында, «Китаплар» халыкара акциясе кысаларында китапханәче балаларга рус халык әкиятен - «Рукавичка» укыды, балалар бик теләп бәйрәм атмосферасы булдыру өчен яңа ел бизәге әзерләделәр.