Башҡортостан мәктәптәре уҡыусылары Өфөнөң вуз-ара кампусында үҙҙәренең роботтарын эшләй һәм виртуаль ысынбарлыҡ технологияларын өйрәнә ала. Заманса йыһазландырылған был учреждениела Өфө дәүләт нефть техник университеты Евразия политехник мәктәбенең Робот техникаһы һәм VR-технологиялар лабораторияһы урынлашасаҡ. Икенсе баҫҡыс - ҡатмарлыраҡ электрон платформаларға күсеү. 5-7-се класс уҡыусылары өсөн курстар бар. Унда балалар роботтың төрлө компоненттары менән идара итеү өсөн яуап биргән программа кодының төп өлөшөн нисек яҙырға кәрәклеген беләсәк. Улар шулай уҡ сымлы һәм сымһыҙ системаларҙа файҙаланылған мәғлүмәт тапшырыу өсөн төп сигналдарҙы өйрәнә. Артабан 8-9-сы һәм 10-11-се кластар өсөн тағы ике белем биреү программаһын тормошҡа ашыра башлау күҙаллана. Улар өлкән класс уҡыусыларына ысын производство системаларына оҡшаш роботтарҙы проектлау, конструкторлау һәм программалауҙа тәрәнерәк өйрәнергә ярҙам итәсәк. Бөтә был эш Өфөнөң вуз-ара кампусында дауам итәсәк. Сығанаҡ: https://pravitelstvorb.ru/news/22488/