Донъялар тынысланғас осрашырбыҙ, тине

Июндә Башҡортостандың Октябрьский ҡалаһынан Степан Беловҡа 28 йәш тулды. Әммә ул - күптән инде Рәсәй Геройы. 2022 йылдың декабрендә ил Президенты Владимир Путин ҡулынан "Алтын Йондоҙ" миҙалын алды. Былтыр ул иптәштәре менән бер алышта дошмандың 20 танкыһын, туғыҙ БМП-һын юҡ иткәйне. Яугир ике Ҡаһарманлыҡ ордены, Суворов һәм "Хәрби хеҙмәттәре өсөн" миҙалдары менән бүләкләнгән, бурысын яҡшы үтәгәне өсөн ваҡытынан алда гвардия капитаны дәрәжәһенә лайыҡ булған. Ҡазан юғары танк училищеһын тамамлаған егет 2022 йылдың февраленән махсус хәрби операция биләмәһендә хеҙмәт итә. Быйыл мартта ул ялға ҡайтып, шифаханала һаулығын нығытып китте. Шул осорҙа Башҡортостан Башлығы Радий Хәбиров менән осрашты. Минең дә Рәсәй Геройы менән бик тә күрешеп һөйләшкем килгәйне. Уға шул теләгемде еткергәс, һанаулы ғына ял көндәре ҡалыу сәбәпле, "махсус хәрби операция тамамланғас, осрашырбыҙ", тине. Фотоһүрәттәрҙә ҡаҡса малай кеүек кенә күренгән Степандың тауышы шул тиклем олпат, көр икәнен ишетеп ғәжәпләндем. Унан шул тиклем көс-ғәйрәт, ныҡлыҡ бөркөлгәндәй тойолдо. Аптырарға ла түгел инде, Рәсәй Геройы бит! Степан, имен йөрө! Иҫән-һау ҡайт! Һине ғаиләң, яҡташтарың, Башҡортостан халҡы көтә. Бөгөн Рәсәйҙә Ватан Геройҙары көнө билдәләнә. Был иҫтәлекле дата 2007 йылдың 28 февралендәге "Рәсәйҙең иҫтәлекле даталары һәм хәрби дан көндәре тураһында"ғы Федераль законға үҙгәрештәр индереү тураһында"ғы Федераль закон менән нығытылған. Был байрам - иң почетлы дәүләт наградаларына - Советтар Союзы, Рәсәй Федерацияһы Геройҙары, Дан һәм Изге Георгий ордендары исемдәренә лайыҡ булған яугирҙәргә юғары дәүләт һәм йәмәғәт ихтирамы билдәһе.Иҫтәлекле дата императрица Екатерина II идара иткән дәүерҙәге мөһим ваҡиғаға - 1769 йылда Рәсәйҙең юғары хәрби наградаһы - Изге Георгий Победоносец орденын булдырыуға арнала. Ул осорҙа орден менән һуғышта батырлыҡ һәм ҡыйыулыҡ күрһәткән офицерҙар һәм генералдар наградлана. Башҡортостанда тыуып үҫкән 299 Советтар Союзы Геройы, 47 Дан орденының тулы кавалеры, 37 Рәсәй Федерацияһы Геройы иҫәпләнә. Махсус хәрби операция башланғандан алып ете яҡташыбыҙ Рәсәй Геройының "Алтын Йондоҙ"она лайыҡ булған, шул иҫәптән дүртәүһе -үлгәндән һуң: Әбйәлил районында тыуып үҫкән ракетчик, прапорщик Тамерлан Илһамов;Яңауыл районынан танкист, өлкән лейтенант Игорь Насибуллин;Өфөнән разведчик, өлкән лейтенант Максим Серафимов;Әлшәй районында тыуып үҫкән десантсылар взводы командиры, старшина Алмаз Сафин.Рәсәй Президенты Октябрьскийҙан өлкән лейтенант Степан Беловҡа һәм Бөрөнән майор Борис Дудкоға Рәсәй Геройы йондоҙҙарын шәхсән үҙе тапшырҙы.2023 йылда Герой йондоҙона йәнә бер яҡташыбыҙ, Өфөнән Денис Чернавин лайыҡ булды. Юғары исем 2023 йылдың 31 июлендә Рәсәй Федерацияһы Президенты Указы менән бирелде. 7 сентябрҙә Геройға награданы Рәсәй Федерацияһының оборона министры, армия генералы Сергей Шойгу тапшырҙы. Фото: Телеграм, https://vk.com/radiyhabirov